Materi SMP

WARA-WARA

Wara-wara utawa ing basa Indonesia diarani pengumuman yaiku sawijining informasi utawa pawarta kang disiarake sarana lisan utawa tulisan kang duwe ancas/tujuan menehi ngerti marang wong akeh. Basa kang digunakake ing wara-wara prayogane komunikatif yaiku gampang dimangerteni dening wong kang nyemak utawa maca. Ukara ing wara-wara aja nggladrah, nanging becike cekak aos.

Tuladha

WARA-WARA

            Kanggo para siswa SMP Negeri 1 Pageruyung kang ndherek ekstra kurikuler karawitan, gladhen karawitan kang biasane katindakake saben dina Rebo, wiwit wulan September semester ganjil taun ajaran 2012/2013, ekstra kurikuler karawitan katindakake ing dina Setu, jam 15.30 WIB.

Nuwun.

Pageruyung, 1 September 2012

Pembina Ekstra kurikuler Karawitan

Wahyu Wijanarko, S.Pd.

IKLAN

Iklan yaiku wara-wara kang isine nawakake barang utawa jasa marang konsumen utawa masyarakat.

Syarat kanggo gawe iklan kang becik yaiku :

1.      Ora kena ngrungokake produsen liya.

2.      Basane komunikatif

3.      Dikantheni gambar

4.      Narik kawigetan

Tuladha

LOWONGAN

Dealer Resmi Otomotif Jawa Tengah & D I Y mbutuhake Tenaga Profesional ing babagan :

1.      Wasis dol tinuku

2.      Wasis ngladeni Konsumen

Kanthi syarat antarane :

a.       Priya / wanita

b.      Pendhidhikan paling cendhek Diploma 3

c.       Jujur, ulet lan saguh kentheng makarya

d.      Pengalaman ing babagan suku cadhang otomotif

e.       Saguh ditugasake ing kutha liya

f.       Duwe SIM A lan C

g.      Saguh ngladheni kanthi ikhlas marang wong tuku (konsumen)

Lamaran dikirim menyang alamat :

PO.BOX 7062 / HS

Paling telat rong minggu sawise iklan iki

 Sumber : Modul Pembelajaran Bahasa Jawa SMP/MTs kelas VII