Contoh Sinopsis Novel Garuda Putih

GARUDA PUTIH

Dening : Suparto Brata

Garuda Putih menika durjana ingkang kondhang ing Surabaya. Sampun dangu dados buronan polisi, ananging piyambakipun menika tansah cerdhik nalika ndhamel setrategi kangge tindak kadurjanan. Kados ta ngenani prakawis  Abisuna ingkang dipunpejah kaliyan Garuda Putih. Lan kasus ing Surabaya yaiku maling wonten toko rajabranipun Pak Suryapringga kanthi mendhet bandha ingkang kathah tanpa saget dipuntemokaken kaliyan polisi, sanadyan piyambakipun sampun nilaraken seratan ing serbet Hotel Argadalu yen pancen ingkang ngrampok menika Garuda Putih.

Kanthi kedadeyan menika ugi ndamel manah saking para polisi yen rumaos dipunina, kados sampun boten dipunhormati malih. Abisuna yaiku pejabat pamrentah ingkang pamit kaliyan estrinipun badhe tindak tugas ing dhaerah cadhak Tretes. Estrinipun boten pati percaya kaliyan garwanipun, lajeng nyuwun tulung kaliyan Bagus Pamutih supados ngamat-amati tindak-tandukipun Abisuna ing Hotel Argadalu. Nalika Abisuna tilem wonten hotel kaliyan Emi ingkang biyasa dados batir para kakung ing hotel.

Abisuna seda ing Garuda Putih kanthi seratan paukuman kangge tiyang ingkang dolanan wadon. Menika sami kaliyan seratan nalika ngrampok wonten toko. Dados nasibipun Bagus Pamutih, amarga piyambakipun ingkang dipuntedhah mateni Abisuna amargi Bagus Pamutih wonten ing panggenan kedadeyan mriku yaiku ten Hotel Argadalu. Sebab  saking seratan-seratan menika ingkang saget dados bhukti yen pancen Garuda Putih sang durjana.

Pihak kepolisian dipunpimpin dening Kapten Mujahir lan dipunbiyantu kaliyan Detektip Handaka ingkang sampun mahir ngadhepi prakawis kadurjanan. Dene  setrateginipun kanthi nyujani tunnanganipun Rara Sumarni yaiku Guritno. Rara Sumarni inggih ponakanipun Suhud ingkang gadhah Hotel Argadalu. Sanadyan namanipun dipunsamar dados Guritno,Detektif Handaka nyujani yen nalika nglakokake tindak kadurjanan Garuda Putih menika inggih liwat Rara Sumarni ingkang caket kaliyan tiyang-tiyang Hotel Argadalu.menika sedaya anamung nembe dados timbanganipun polisi kanthi bhukti ingkang sampun wonten. Lan kangge nyekel Garuda Putih taksih kedah angsal bhukti ingkang cetha malih. Lajeng polisi nangkep kembaranipun Guritno ingkang wonten Surabaya amargi ngira yen piyambakipun menika Garuda Putih. Lan pungkasan kembaranipun Guritno carios marang polisi yen guritna inggih Garuda Putih.