Langkah-langkah Gawe Gurit

Langkah-langkah Damel Gurit

Geguritan yaiku salah sawijining sastra Jawa ingkang awujud puisi. Kayadene puisi-puisi liyne, geguritan kang uga pinangka puisi kadhapuk saka unsur-unsur kang bisa ditemokake lan dideleng ana ing geguritan iku dhewe, kang bisa kaarani unsur intrinsik. Unsur intrinsik geguritan iku antarane tema, rima, gambaran pangindran, lan amanat.

Langkah-langkah Damel Gurit :

1.      Nemtokake Gaya Lan Tipe Gurit :

a.       Epik

b.      Naratif

c.       Lirik

d.      Dramatik

e.       Didaktik

f.       Satirik

g.      Romance

h.      Elegi

i.        Ode

j.        Hymne

2.      Nemtokake Tema Gurit

Tema yaiku pokoking rembagan kang ndhasari gurit.

3.      Nemtokake Judhul Gurit

Judhul Gurit iku nggambarake isi gurit.

4.      Nalika Nulis Gurit, Kita Kudu Nemtokake :

a.       Tembung Kunci, yaiku tembung kang dadi kunci ing sawijining ukara, ing sawijining baris, kang bisa dikembangake maneh supaya dadi ukara kang endah lan bisa nggambarake isi kang dikarepake ukara ing baris mau. Tembung kunci kudu sinambungan karo tema gurit kang digawe.

b.      Pamilihing Tembung/Diksi, yaiku nalika nggawe gurit, kita kudu milih tembung kang endah nanging trep kanggo nggambarake gurit mau.

c.       Nganggo Gaya Bahasa :

·         Personifikasi

·         Hiperbola

·         Litotes

·         Ironi

·         Metafora

·         Metonimia

·         Anafora

·         Oksimoron

5.      Nemtokake Bait, Rima, lan Irama

a.       Bait yaiku saperangan larik kang ana kanggo ndukung pokok pikiran, kapisah saka sawijining bait liyane.

b.      Rima yaiku pangulangan uni kanthi selang-seling. Biyasane ana ing larik utawa ing pungkasaning larik, ing sawijining bait.

c.       Irama yaiku uni kang bisa nyiptakake unsur musikalitas saengga bisa gawe suwasana kang nduweni nuwansa makna tartamtu.