Unen-unen Purwakanti

Kawruh Basa

Puwakanthi

Purwakanthi kadapuk saka tembung purwa kang ateges wiwitan/lekasan, lan tembung kanthi ateges gandheng. Tembung Purwakanthi duwe teges unen-unen kang kagandheng kanthi runtut. Purwakanthi kaperang ana 3, yaiku :

1.      Purwakanthi Swara, yaiku unen-unen kang runtut swarane

Tuladha :

-          Susah bungah iku lumrah

-          Ana awan ana pangan

-          Gemi setiti ngati-ati

-          Desa mawa cara negara mawa tata

-          Saeka praya ing sedya

2.      Purwakanthi Sastra, yaiku unen-unen kang runtut sastrane

Tuladha :

-          Sluman-slumun slamet

-          Sapa salah bakal seleh

-          Bobot bibit bebet

-          Tatas titis tetes

-          Sapa jujur bakal luhur

-          Tata titi tutug tatag tanggung tertib

-          Nalika kula kelas kalih kula kulak kolang kaling

3.      Purwakanthi Basa/Lumaksita, yaiku unen-unen kang kadhapuk saka rong gatra.

Tuladha :

-          Tepi wastra, wastra tumrap mustaka

-          Kolik priya, priyagung anjani putra

-          Janur gunung, gunung geni lor ngayogja

-          Jawa pinter, pintere satriya ing Pringgodani

Sumber : Modul Basa Jawa Tatas Titis Tetes, SMA tahun 2011